वि.सं:
नेपाल संवत: ११४६ अनालाथ्व चतुर्दशी - १४
मुख्य सूचना अवधि: इस्वी संवत २०२६ अप्रिल १५ देखि २०२६ मे १८ तारिख अर्थात् विक्रम संवत २०८३ बैशाख २ गते देखि २०८३ जेठ ५ गते सम्म यस कार्यालयमा नयाँ अनुमतिपत्र (New), वर्ग थप (Category Add), नवीकरण (Renewal) तथा प्रतिलिपि (Duplicate) को लागि राजश्व बुझाउनु भएका सम्पूर्ण सेवाग्राहीहरूको लाइसेन्स छापिएर कार्यालयमा प्राप्त भइसकेको छ।
कार्यालयमा भिडभाड कम गर्न र तपाईंको समय बचत गर्नका लागि कार्यालय आउनु अगाडि नै आफ्नो लाइसेन्स तयार भएको छ कि छैन भनी अनलाइन प्रणालीबाट सुनिश्चित गर्न सकिन्छ। त्यसका लागि सेवाग्राहीले कार्यालयको आधिकारिक वेबसाइटको यो सिधै लिंक स्मार्ट लाइसेन्स सर्च पेज (Search List) मा गएर आफ्नो विवरण प्रविष्ट गरी बाकस कोड नम्बर (Box Code Number) पत्ता लगाउनु पर्नेछ।
यदि तपाईंले वेबसाइटबाट आफ्नो बाकस कोड नम्बर (Box Code) पहिचान गरेर ल्याउनुभएमा कार्यालयको भीडभाडयुक्त ७ नम्बर काउण्टरमा गइरहनु पर्ने छैन। तपाईं सोझै १४ नम्बर काउण्टर मा गएर द्रुत मार्ग (Fast Track) बाट आफ्नो स्मार्ट लाइसेन्स संकलन गर्न सक्नुहुनेछ। बाकस कोड नभएका सेवाग्राहीहरूले भने ७ नम्बर काउण्टरमै सम्पर्क गर्नु पर्नेछ।
लाइसेन्स संकलनका लागि काउन्टरमा जाँदा सेवाग्राहीले आफ्नो विधा अनुसार निम्न लिखित सक्कल कागजातहरू अनिवार्य प्रस्तुत गर्नु पर्नेछ:
| सेवाको प्रकार | ल्याउनु पर्ने अनिवार्य कागजातहरू |
|---|---|
| नयाँ अनुमतिपत्र र वर्ग थप | सक्कल नागरिकता प्रमाणपत्र र राजश्व तिरेको सक्कल रसिद |
| नवीकरण (Renewal) | सक्कल पुरानो लाइसेन्स र राजश्व बुझाएको सक्कल रसिद |
| प्रतिलिपि (Duplicate) | सक्कल नागरिकता प्रमाणपत्र र राजश्व बुझाएको सक्कल रसिद |
| लाइसेन्स वा रसिद हराएको भए | नेपाल ट्राफिक प्रहरीको आधिकारिक सिफारिश पत्र अनिवार्य हुनुपर्नेछ। |
सेवाग्राहीहरूको सहजताका लागि कार्यालयले तोकेको सेवा प्रवाहको समय तालिका निम्न बमोजिम रहेको छ:
