सवारी चालक अनुमति पत्र (License) प्राप्त गर्ने प्रक्रिया

फारामको प्रिन्ट र अपोइन्टमेन्ट मिति

अनलाइन फाराम सबमिट गरेपछि प्राप्त भएको फारामलाई प्रिन्ट गर्नुहोस्।

आवश्यक कागजातहरू

• अनलाइन भरेको फारामको प्रिन्ट कपी।
• नागरिकताको सक्कल प्रमाणपत्र र एक प्रति फोटोकपी (सक्कल विना बायोमेट्रिक हुँदैन)।
• पहिले नै अर्को वर्ग (Category) को लाइसेन्स भएमा त्यसको सक्कल र फोटोकपी।

बायोमेट्रिक र मेडिकल जाँच

कार्यालयमा डिजिटल फोटो, औंठाछाप तथा हस्ताक्षर (Biometric) लिइनेछ।

त्यसपछि, अनलाईन फारम भर्दा रोजे अनुसार कार्यालय परिसरमै वा तोकिएको स्वास्थ्य सेवाप्रदायककहाँ आँखा र रगत समूह (Blood Group) जाँच हुनेछ।

मेडिकल शुल्क: रु. १७५/- (प्रदेश सरकारको नियम अनुसार)

राजस्व भुक्तानी र लिखित परीक्षा

मेडिकल फिट भएपछि Entry Fee बुझाउनुहोस् र प्रवेश पत्र (Admit Card) लिनुहोस्।

परीक्षा स्थान: भेहिकल एकेडेमी एण्ड रिसर्च सेन्टर, गुर्जुधारा काठमाडौँ

Entry Fee बुझाएको भोलिपल्ट बिहान १० देखि १ बजे भित्र परीक्षा हुन्छ। (१०० पूर्णाङ्कको वस्तुगत प्रश्न)

प्रयोगात्मक परीक्षा र लाइसेन्स दस्तुर

लिखित उत्तीर्ण भएपछि कार्यालयले तोकेको मितिमा ट्रायल दिनुपर्नेछ। ट्रायल पास भएको ७ दिन पछि (अति आवश्यक भएमा भोलिपल्टै) निम्न राजस्व बुझाउन सकिन्छ:

* राजस्व रसिद सुरक्षित राख्नुहोस्, कार्ड लिने बेला यो अनिवार्य हुन्छ।